По повод 22 декември, денот на раѓање на основоположникот на современата македонска книжевност, Коста Солев Рацин, во медиотеката на Локалната библиотека „Гоце Делчев“ беа доделени наградите од литературниот конкурс „Новогодишна желба“ кој го распишаа Локалната библиотека „Гоце Делчев“ и Клубот на писатели „Коста Солев Рацин“.

На конкурсот беа пријавени околу осумдесетина творби од основните училишта во градот. Жири комисијата во состав: Игор Крајчев, Лила Арсова и Нада Алексоска ги разгледуваа пристигнатите творби и доделија по три награди за учениците и нивнитементори, во три конкуренции: од I до III, од IV до VI и од VII до IX одделение. Поради високиот квалитет на пристигнатите творби, жири комисијата одлучи и да пофали по една творба од сите конкуренции, а беа доделени и благодарници за основните училишта кои учествуваа на конкурсот.