Почитувани,

Со цел да овозможи пристап на граѓаните до информациите кои се однесуваат на животната средина, Општина Велес воведува рубрика за животна средина во рамките на нејзината web страна.
Со оваа рубрика сакаме да воспоставиме успешен информациски мост за еколошката проблематика помеѓу граѓаните, медиумите и локалната власт.
Воедно, на овој начин сакаме да дадеме придонес во имплементацијата на Архуската конвенција, меѓународен договор кој преку својата содржина ги поврзува заштитата на човековите права со заштитата на животната средина.
Со оваа конвенција, земјите-потписнички се обврзаа информациите и прашањата за животната средина да им ги направат достапни на граѓаните.

Затоа, Општина Велес во оваа рубрика континуирано ќе ги објавува:

• Законските документи;
• Програмите и плановите за заштита на животната средина;
• Актуелностите и случувањата;
• Месечните и годишните извештаи за состојбата со квалитетот на воздухот и водата за пиење во општината.