Пролетта оваа година официјално ќе пристигне на 20 март. Зелената коалиција ќе ја пречека организирано со манифестацијата „Зелена акција за Велес“. На 20 март во периодот од 11-12 часот ќе се одржи традиционалниот велосипедски крос во кој учествуваат учениците од основните и средните училишта во Општина Велес. Целта на кросот е плоштад С’рмаале. Одовде, во 12:00 часот, организирано сите присутни ќе се упатат кон Спомен - костурницата каде под мотото „Зелена акција за Велес“ ќе се посадуваат дрвца.

 Во обележувањето на Деновите на пролетта покрај Зелената коалиција учествуваат и Општина Велес, ЈКП „Дервен“, општинските основни и средни училишта, велосипедските клубови и сите заинтересирани граѓани.