По повод манифестацијата „Ден на дрвото“ пролетната акција која се одржува секоја пролет централната манифестација се одржа во ООУ „ Св. Кирил и Методиј “ , бидејќи во градот се промовираше како доста активно училиште кога е во прашање здравата и чиста околина. Добивањето на зеленото знаме уште повеќе даде на знаење колку ООУ„Св. Кирил и Методиј“ се грижи за својата околина. Овој пат акцијата беше изменета и беше поразлична од другите акции.

Имено овој пат не се садеше дрвца како што се правеше претходните години, овој пат се садеа семки од јасен од кои ќе израснат млади садници и истите ќе бидат засадени на есенската акција за пошумување на локација одредена за пошумување. Настанот беше проследен од претставници од Локалната самоуправа, невладини организации и претставници од медиумите.