Водата од природните чешми и пумпи не е безбеднa

Создадено: Понеделник, 29 Мај 2006 16:33
Во Општина Велес пристигнуваат месечните извештаи за квалитетот на водите за пиење кои ги врши Заводот за здравствена заштита-Велес.
Се испитуваат водоводни објекти, претпријатија приклучени на градски водовод и претпријатија со сопствени изворишта, селски водоводи и чешми, бунари и природни чешми во однос на хемиската и бактериолошката исправност.
Констатирана е следната состојба:
- Од хемиската неисправност кај испитуваните примероци најчеста е појавата на матност, присуство на железо и нитрати.
- Многу често во природните чешми потеклото на нитратите (хемиска контаминација) е од минералниот состав на почвата или антропогено влијание врз природната чешма (присуство на отпад).
- Бактериолошката контаминација е предизвикана од присуство на колиформни бактерии-индикатори на фекално загадување.
- Во основа сите природни чешми, пумпи и бунари со исклучок на Башино село и Шорка се со променлив квалитет и не се препорачуваат за пиење од страна на луѓето.
Ако се констатира неисправност на водата од водоводната мрежа, понатамошната активност ја превзема Дирекцијата за храна и нејзиниот инспекторат, најчесто со задолжување на правните субјекти да воспостават соодветно хлорирање на водата за пиење.



Поради масовното користење на водата од природните бунари, пумпи и бунари за пиење од страна на луѓето, Општина Велес ги информира граѓаните дека здравствено најбезбедна вода е онаа од водоводната мрежа. Апелираме до граѓаните да не ги користат водите од природните чешми, бунари и пумпи за пиење (освен Башино село и Шорка), поради честото присуство на нитрати и фекални бактерии во нив.

Постапувајќи во согласност со Правилникот за безбедноста на водата за пиење на природните чешми со здравствено-небезбедна вода за пиење, Општина Велес постави соодветни налепници со предупредување на природните чешми.

Извештаите за квалитетот на водата за пиење во Oпштина Велес редовно се објавуваат на web страната на општината.

Ред.бр.

Природни чешми со води со променлив квалитет

1

Штипска пруга

2

Дервенски поток мала чешма

3

Дервенски поток голема чешма

4

Црква Св. Никола

5

Пузево трло

6

Ул. Тодор Јанев на рид

7

Петрова чешма

8

ул. Игманска горна чешма

9

ул. Игманска долна чешма

10

ул.Стојан Бурчевски

11

Чешма под мост Дервенски поток

12

Црква Св. Илија

13

Стадион

14

Црква Св. Пантелејмон

15

Бојаџина чешма

16

Бабуна до кланица Л&Ј

17

Црква Св. Ана

18

ул.Орце Мартинов

19

ул. Љубљанска 15

20

Саботна вода

21

Богдан Каракостев 37

22

Родна Ивева кладенче

23

Вера циривири 179

Ред.бр.

Пумпи и бунари со води со променлив квалитет

1.

Енгелсова 4

2.

Ленинова 27

3.

Ленинова 34

4.

Марксова 16

5.

11 Октомври 9

6.

11 Октомври 26

7.

Никола карев 41

8.

Крсте Мисирков 22

9.

8 март 41

10.

Сутјеска 1

11.

Трпезица

12.

Вардарска 60

13.

Населба Превалец

14.

Речани

15.

Андон Шурков лулашки

16.

Андон Шурков УЗУС