На 5 јуни, Светскиот ден на екологијата учениците од ООУ "Васил Главинов" покажаа голема еколошка зрелост. Во присуство на заменик постојаниот претставник на УНДП, г-дин Норимаси Шимомура и Градоначалникот г-дин Аце Коцевски, претставници од Општина Велес и Прокредит банка, учениците од 1-во и 3-то одделение ја доловија сликата за животната средина искреирана во умните детски глави.

Преку едукативните еколошки материјали – боенки и тестови се пренесе пораката за заштита на природата, нивните чувства и грижа кон истата.


Потоа Градоначалникот и гостите заедно со учениците засадија 10 зимзелени садници во знак на сеќавање на нивното присуство во училиштето и организираа акција на чистење во училишниот двор.


Општина Велес и во иднина ќе ги поддржува сите активности за промоција на заштитата и унапредувањето на животната средина и одржливиот развој при спроведување на образовните активности, согласно децентрализираните надлежности од Законот за животна средина.