На 22 октомври годинава, , во локалната библиотека „Гоце Делчев“ се одржа општински натпревар „Млади библиотекари“. На натпреварот учерствуваа 40 - на ученици од V до  VIII одд, од основните училишта од Велес и населените места Иванковци, Оризари, Сујаклари како и општините Чашка и Градско. Учениците одговараа на 20-на прашања од прирачникот „Млади библиотекари“.  Најуспешните  тројца ученици добија пригодни награди: книги  и бесплатно членство во библиотеката, а останатите учесници добија пофалници. Најуспешната ученичка Марија Мијакова ќе ја претставува Општина Велес на Републичкиот натпревар  што ќе се одржи во средината на ноември, во Прилеп.