Градоначалникот Горан Петров денес  имаше средба со делегација на Црвениот крст на  Република Србија.  Делегацијата што ја сочинуваа Проф. Др. Драган Радовановиќ, претседател на  Црвениот крст на Република Србија и  Љубомир Миладиновиќ, шеф на Службата за меѓународна соработка,  беше придружувана од  Мед. Сци. Д-р Милчо Трајков, претседател на Црвениот крст на Македонија и претседател на ООЦК Велес.

На средбата беа разменети искуства  од  работењето и соработката на организациите на Црвениот крст од двете земји  со локалните самоуправи, начинот на финансирање и  можностите за  омасовување на оваа најголема хуманитарна организација, а беа разменети и мислења околу начинот на интенизивирање на идната соработка со организации на Црвениот крст од Србија и реализирање на заеднички проектни активности.

За време на престојот во Велес, делегацијата на Црвениот крст од Србија ги посети и просториите на ООЦК Велес, како и Античкиот локалитет Стоби.