Денес во просториите на Општина Велес се одржа состанок на кој се договори воведување во работа за реализација на проектот Водоснабдување на Башино село, УБ Речани, село Отовица и УБ Езеро Младост од градскиот водоводен систем  на Општина Велес да биде на ден 26.11.2012 година  во 9 часот. При воведување во работата ќе се изврши предавање на трасата со полигонски и координатни точки на прекршувањата на трасата. Изведувачот ќе достави Динамички план за изведување на работите и потребната документација согласно Договорот NCB -007-10  од 08.11.2012 година.

На состанокот беа присутни Љубица Патлиџанковска претставник на Министерството за финансии – МСИП(проект за подобрување на општински услуги)  и Роза Перковска  претставник на МФ – МСИП проектот,  претставник на надзорниот орган на ГИМ Македонија, претставници на Општина Велес, претставници на  изведувачот „ Вардарградба“ Скопје.

Со ова отпочнаа активностите за реализација на проектот за водоснабдување на крајбрежниот појас на  Езеро„ Младост“ со средства обезбедени со кредит од Светска банка.