На 15-ти и 16-ти ноември во Велес во навистина свечена и пријатна атмосфра се оддржаа 45-те Детски Рацинови средби. Најстарата детска поетска манифестација во земјава, 45 години ги обединува децата од целата држава во чествувањето на Рацин, но и со цел да го поттикне нивното поетско и творечко созревање. Оваа година стотина деца учествуваа на завршната дводневна манифестација, а уште стотина други пратија свои песни на конкурсот кој беше распишан во октомври годинава. Стручното жири, во состав Македонка Јанчевска, Павлина Климкар Меанџиева и Игор Крајчев, поради преголемиот избор на квалитетни творби одлучи да го прошири опсегот на наградени песни, па така, во конкуренција на поетски творби додели 3 трети, 2 втори, 1 прва и највисока ГРАН ПРИ награда, а во конкуренција на прозни творби додели 1 трета, 1 втора и 1 прва награда. Покрај наградените, уште 11 творби беа пофалени. Ви го претставуваме комплетниот список на наградени песни:

ПОЕЗИЈА

ГРАН ПРИ - Берна Асанова - Крсте Петков Мисирков - Радовиш
ментор: Викица Манолева
1ва Награда - Илија Ивановски  - Кирил и Методиј - Св. Николе
ментор: Иванка Стојковска
2ра Награда - Валентин Манасиевски - Кирил Пејчиновиќ - Скопје
ментор: Анета Гилевска Велкоска
2ра Награда - Сања Мирчева - Св. Кирил и Методиј - Велес
ментор: Десанка Николова
3та Награда - Елеонора Петровска - Даме Груев - Градско
ментор: Иванка Славковска
3та Награда - Нубира Ајдиновска - Братство Единство - Охрид
ментор: Јованка Љаткоска
3та Награда - Барбара Бочварова - Васил Главинов - Велес
ментор: Родна Ивановска

ПРОЗА

1ва Награда - Василка Алексова - Гоце Делчев - Виница
ментор: Мара Јованова
2ра Награда - Елена Андонова - Кирил и Методиј - Св. Николе
ментор: Иванка Стојковска
3та Награда - Лилјана Спасовска - Ј.Х.Песталоци - Скопје
ментор: Ана Георгиева

И наградените и пофалените ученици и ментори, два дена имаа можност да другаруваат со писателите Стојан Тарапуза, Македонка Јанчевска, Павлина Климкар Меанџиева, Горјан Петревски, Киро Донев, Ванчо Полазаревски, Христо Петревски, Марта Марковска, Игор Крајчев, Иван Антоновски и други. Писателите и учесниците на 45-те Детски Рацинови средби, го изведоа и познатиот поетски караван низ општинските училишта, а оваа година продолжи праксата на научно согледување на состојбите со литературата за деца на научен симпозиум на кој годинава учество зедоа еминетни универзитетски професори како: Виолета Димова, Весна Мојсова Чепишевска, Нина Анастасова Шкрињариќ, Искра Тасевска Хаџи-Бошкова, а интерес за учество на симпозиумот со свои размисли покажаа и присутните слушатели.

Во рамки на ликовно вајарската работилница, наградени беа:

ЛИКОВНА РАБОТИЛНИЦА

Прво место: Славица Танеска, ОУ „Григор Прличев“ - Охрид
Второ место: Марија Стојановска, ОУ „Васил главинов“ - Велес
Трето место: Стефан Александровски, ОУ „Кирил и Методиј“ - Велес

ВАЈАРСКА РАБОТИЛНИЦА

Прво место: Рената Ефремова, ОУ „Гоце делчев“ - Виница
Второ место: Габриела Дамјановска, ОУ „Страшо Пинџур“ - Кавадарци
Трето место: Боби Спирковски, ОУ „Васил главинов“ - Велес