Денес (07.11.2013) завршија градежните активности за уредување на улицата Киро Чауле во населбата „Керамидна". Целата предвидена траса од 150 метри изминатите денови беше пробиена, тампонирана а потоа беше извршено и бетонирање на улицата. Инаку за оваа цел вкупно 16 корисници на земјиште кои живеат на улица Киро Чауле во населбата „Керамидна” во присуство на нотар неодамна дадоа изјави дека се согласуваат да отстапат дел од нивните земјишта за уредување на улицата. За остапувањето на делот од нивните површини тие не бараат никаков надоместок.