Во периодот од 6 до 8 мај оваа година во организација на Федерацијата на училишен спорт на Македонија беше организирана седмата Гимназијада Скопје 2010. На оваа Гимназијада учество земаа повеке од 400 средношколци од Република Македонија, кои учествуваа во натпреварите во ракомет, кошарка, одбојка и футсал во машка и женска конкуренција.Машката ракометна екипа на ССОУ Коле Неделковски, поддржана од Општина Велес, а предводена од проф. Ангелче Гушев, го освои второто место.

 Учеството на оваа Гимназијада беше остварено преку победите во натпреварите од општинаската лига, натпреварите во Повардарскиот регион и зоната – Исток. Со овие лига натпревари ракометната екипа на ССОУ Коле Неделковски од Велес, се квалификуваше помегу шесте најдобри екипи во Македонија и се стекна со право на учество на Гимназијада Скопје 2010, која беше поддржана од Министерството за образование и наука, Агенцијата за млади и спорт и Градоначалникот на Скопје.