Општина Велес, во соработка со 5ФМ Радио и АД „Жито Вардар“ организира масовен настан за поддршка на македонската ракометна репрезентација на претстојното Европско првенство во ракомет што ќе се одржи во Србија. Спектаклот исполнет со спортски дух, бодрење на македонските репрезентативци, вино и храна ќе се одвива во Младинскиот парк во текот на натпреварите на македонската репрезентација. Настанот ќе започне во недела, 15-ти јануари , во 18:30 часот, непосредно пред почетокот на првиот натпревар со селекцијата на Шведска. Љубителите на спортот, натпреварот ќе можат да го следат заеднички на видео бим во Младинскиот парк.

Општина Велес, 5ФМ  Радио и АД „Жито Вардар“ Ве покануваат со Македонија во срцето да ги бодриме заеднички нашите репрезентативци на Европското првенство во ракомет за мажи.