Во сабота 20.02.2010 год. во 20.00 часот во Ликовниот салон  во Велес ќе биде преставена изложба на тројца уметници од младата генерација, Урош Вељковиќ, Златко Стровјановски и Дејан Делов. Тројцата се генерациски поврзани, уште од средното уметничко училиште, а покасно и на Факултетот за ликовни уметности во Скопје на отсекот Графика со графички техники во класата на проф. Костадин Танчев-Динка.

Урош Вељковиќ ќе се престави со својот циклус Разбудена Бунтовност, ке бидат преставени 12 слики во неколку техники. Покрај експресионистички и апстрактни амбиенти се појавува и фигуративноста како одраз на различните импулси во уметниковиот израз на емоциите. Златко Стровјановски се преставува со слики и цртежи во неколку техники. Преовладуваат престави на актови, портрети, кои и покрај реалноста која ја преставуваат не внесуваат во еден иреален простор кој не е просторно ниту временски дефиниран.

Дејан Делов се преставува со 8 слики, Ер-Браш (Air Bruch) техника, биомеханика. Уметниците во ликовниот салон ке се престават  со триесетина дела во различни техники, спој на различни стилови, но блиски во размислувањата.

Со почит,

Народен Музеј - Велес
Директор
Перовски Спасе