Во четврток, 15.04.2010 год. во Ликовниот салон  во Велес ќе биде отворена изложба на резбарот Славе Петков, од Велес.

Средно Воено училиште завршил во Задар, моментално  воен пензионер. Досега учествувал на 10-тина групни изложби во организација на здружението на копаничари на Македонија. Ова е негова прва самостојна изложба.

Започнува како самоук резбар, се надградувал преку едукација кај охридските резбари.. Во изработените преку стотина копаници во ореово дрво со различни форми и големини, практикува разновидна орнаментика. Покрај резбарените растителни орнаменти, упростени или стилизирани, некогаш натуралистички обработени вклопува птици, животински и човечки престави во форма на декоративна пластика. Од флоралните орнаменти се појавуваат дабов лист и лист и плод од лоза, разни цветови, а покрај преставите со христијанска тематика и ликови на светители се појавуваат и ликови на обични луѓе како што е ликот на Тоше Проески. Иако работи по шеми во кој се појавуваат класичните ликовни форми, сепак  при резбарењето си дава извесна креативна слобода  во која трепери возбудата и страсната предаденост кон работата.
Славе Петков реализира истенчена ажурна резба како и длабока и поткопана реаба во која доаѓа до израз чувството за пластична обликуваност  што ја доближува до креативната ангажираност и ефекти на уметнички стремеж.

Во ликовниот салон ке се престави со 22 дела.

Со почит,

Народен Музеј - Велес
Директор
Перовски Спасе