Повик за вклучување вo проект до сите заедници на сопственици (куќни совети) и станари од општина Велес

Проектот на УСАИД и Хабитат Македонија за Енергетска ефикасност за секторот за домување во рамките на своите компоненти опфаќа активности за подобрување на енергетската ефикасност во колективните згради лоцирани во општина Велес преку:

- апликација на мерки за енергетска ефикасност на зградите,
- зајакнување на капацитетите на Заедниците на сопственици и
- давање на техничка помош од страна на проектниот тим во текот на имплементацијата на проектот.

За таа цел ги покануваме сите заинтересирани граѓани кои живеат во објекти за колективно домување да присуствуваат на презентацијата на проектот која ќе се одржи на 22.11.2011 во општина Велес во големата сала на општината со почеток во 18:00 часот.

На презентацијата граѓаните ќе имаат можност да се запознаат подетално со планираните активности и во исто време ќе можат да се пријават за нивно учество. Како дел од активностите ќе се изберат згради на кои ќе им се одобрат заеми за спроведување на градежни интервенции со цел подобрување на енергетската ефикасност. Изборот на зградите ќе се врши врз основа на неколку предуслови, како што се:

- зградата да има натпросечна потрошувачка на енергија
- да биде изградена најмалку пред 10 години и
- мнозинството од станарите да се со пониски приходи.

За да се учествува во проектот потребно е да се пополни пријавата и да се достави до проектот најдоцна до 5-ти декември 2011 до 16:00. Сите заинтересирани заедници на сопственици и станари ги покануваме да поднесат пријава за учество. Обрасците за пријавувањето може да се преземат од интернет страната на проектот (www.habitat.org.mk), да се подигнат од канцеларијата на Хабитат Македонија (ул. Никола Парапунов бб, комплекс Макотекс 1 кат, 1000 Скопје) или да се добијат лично при презентацијата на проектот. Пријавите може да се испратат по електронски пат на Оваа е-адреса е заштитена од спамботови. Треба да ви е овозможено JavaScript за да ја видите., по пошта (Хабитат Македонија, проект за енергетска ефикасност за секторот за домување, ул. Никола Парапунов бб, комплекс Макотекс 1 кат, 1000 Скопје) или лично да се достават. За повеќе информации можете да ја посетите интернет страната www.habitat.org.mk или да се јавите на телефонскиот број (02) 3061 890.