Општина Велес и оваа година традиционално ќе ја организира манифестацијата „Велешка питијада 2012“ презентација на питата пастрмајлија и виното каде производителите на пекарски и алкохолни пијалоци односно угостителите и винариите ќе го промовираат сопственото производство.

Питијадата ќе биде од изложбен и продажен карактер.

Цел на  манифестацијата е да се придонесе кон поголема афирмација и промоција  на  питата пастрмајлија, препознатлив велешки специјалитет, но истовремено ќе им помогне на угостителите, винариите, малите и средните компании од прехрамбениот сектор, пред потенцијалните потрошувачи од Вардарски плански регион и Македонија, како и здруженија на сродни производители, стопански комори, ресорни министерства, амбасади, организации и фондации за поддршка на претприемништвото во Република Македонија, кои ќе бидат поканети да го посетат настанот.

Оваа година манифестацијата ќе се одржи во  периоодот од 9 до11 Ноември со богата културно-уметничка и забавна програма.
Се повикуваат сите угостители, винарии, правни лица и регистрирани индивидуални  пекарски производители, да се пријават за учество на питијадата во Општина Велес или во Канцеларијата на Вардарски плански регион.
Контакт лица за дополнителни информации за манифестацијата можете да добиете на телефон:043 211-484, Марко Колев и Татјана Ѓурова.
043 232 966, Благој Калузаров

Во прилог,  Правилник и Пријава за учество

Градоначалник на Општина Велес
Горан Петров