Поради одржување на манифестацијата „ Велешка Питијада “ на улицата „Благој Ѓорев“ во Велес  во периодот од 09.11.2012 година со почеток во 08.30 часот па се  до 11.11.2012 година  до 17.00 часот, сообраќајот времено се преуредува и тоа:
 
- ќе биде затворена за сообраќај улицата „Благој Ѓорев“ на потег од крстосницата на ул„Благој Ѓорев“ со ул „Наум Наумовски Борче“ и ул„Прва комуна“ па се до  крстосницата со ул„Благој Ѓорев“ со ул„Љубљанска“. 
- Заради тоа во тој временски период одвивањето на сообраќајот  ќе биде пренасочен по ул„Лазо Осмаков“ односно режимот на сообраќај на ул „Лазо Осмаков“ се променува од еднонасочен сообраќај во една насока, во еднонасочен во спротивна насока.
- уредувањето на пренасочувањето на сообраќајот ќе биде со поставување на соодветна вертикална сигнализација – сообраќајни знаци, бариери и асистенција на полиција.
- Се замолуваат сите граѓани да не ги паркираат возилата на ул„Лазо Осмаков“ заради непречено и безбедно одвивање на сообраќајот по таа улица во периодот на одржување на манифестацијата.

Со почит,
Градоначалник  на Општина Велес,
Горан Петров