Почитувани,

Врз основа на Одлуката на Советот на Општина Велес за наградување на најуспешна празнична илуминација по повод новогодишните и божиќните празници, Општина Велес ќе додели награди за:
- Најубав излог - трговија, услуга,
- Најубав двор - стамбена куќа,
- Најубава тераса – стамбена зграда

Наградата е во паричен износ од 15.000 денари за секоја категорија.

Се повикуваат граѓаните да достават предлози за горе наведените категории најдоцна до 20.12.2012 година до Општина Велес ул. „Панко Брашнар“ бр.1 со назнака за Комисија за празнична илуминација или на e-mail Оваа е-адреса е заштитена од спамботови. Треба да ви е овозможено JavaScript за да ја видите.  или на телефон 232-966 локал 220.

Пријавата задолжително да содржи точна адреса на предложениот објект, лице за контакт и телефон. Пожелно е да се достави и фотографија или снимка од предложениот објект.
Наградите за најуспешните решенија ќе се доделат на свеченоста на 27.12.2012 година што Општина Велес ја организира по повод Новогодишните и божиќни празници“. 
 
Со почит,

Градоначалник
на Општина Велес,
Горан Петров