Почитувани,

Општина Велес Ве поканува на „Концерт во чест на Илинден“ како дел од топлиот културен бран во Велес. Настанот ќе се одржи на 30 Јули(Среда) со почеток во 20:30 часот во амфитеатарот на младинскиот парк, а настап ќе има квартетот на маестрото Зоран Џорлев – „Македонска душа“

Квартетот МАКЕДОНСКА ДУША е состав од веќе познати реномирани уметници за домашната и странска публика коишто ја започнаа првата неофицијална соработка од март 2014 година.

Како резултат на нивно претходно меѓусебно познавање и дружење, спонтано се наметнува иницијатива за заедничко музицирање, размена и спој на музички искуства коишто за првпат како трио се најдоа на едно место на Етно фестивал во Равена- Италија.

Членови на составот се:
Зоран Џорлев (виолина и тамбура)
Бајса Арифовска (кавал, ут, виолина и клавијатура)
Ратко Даутовски (перкусии)
Наско Џорлев (гитара и тамбура)

Својот репертоар го обликуваат пред се во духот на традиционалната македонска музика која изобилува со специфичности, шареноликост во бои, ритмика и мелодичност.

Тука ке се најдат и обработки и авторски дела на Џорлев и Арифовска кои изобилуваат со препознатливост и уникатност во стилско изразување и динамичност, спој на различни традиции...

Како учесници во различни проекти секој поединечно, овие музичари ке продолжат со настапи и концертни активности во земјава и странство со цел презентација и афирмација на оригиналниот македонски музички код и доза на индивидуален и иновативен призвук кој остава простор секој слушател да го доживее на свој начин.

Ги покануваме сите Велешани да присуствуваат на овој настан.