Од 1ви Септември 2016г. ЈКП Дервен во соработка со Општина Велес ќе започне со одделно собирање на картонската амбалажа од трговските објекти на улиците: Благој Ѓорев, 8ми Септември, Гоце Делчев, Страшо Пинџур, Алексо Демниевски и Димитар Влахов.
За таа цел ќе биде ангажирано возило кое ќе врши собирање само на картонската амбалажа директно од пред трговските објекти.
Преку едукативен леток кој е веќе дистрибуиран дадени се насоките на постапување - Секоја вечер (освен во недела навечер) во 19.00 часот, вработените во трговските објекти се должни картонската амбалажа да ја спакуваат/преклопат по ивиците и да ја изнесат непосредно пред објектот.

ЈКП Дервен ќе врши собирање СЕКОЈ ДЕН (ОСВЕН ВО НЕДЕЛА) во периодот од 19.00-21.00 часот.
Со оваа активност, картонската амбалажа која сега завршува во контејнерите измешана со останатиот комунален отпад одвоено ќе се собира и со неа ќе се постапува согласно Законот за постапување со отпад од пакување.
Општина Велес упатува апел до сите субјекти да ја почитуваат оваа промена и да дадат сопствен придонес за почиста животна средина. Оваа активност е дел од Програмата за управување со отпад за 2016г.
Сите потребни инфорамции може да се добијат на телефонот на РЕ Комунална хигиена - 043/233-768, секој работен ден од 07.00 до 14.00 часот и во сабота од 07.00 до 12.00 часот.