Почитувани,

Со искрена благодарност за Вашиот придонес во развојот на театарската уметност како една од најголемите културни вредности  на Велес, во свое лично име, во име на Советот на Општина Велес и во име на граѓаните, Ви го честитам 27. Март, Светскиот ден на театарот.

Ви благодарам што со својата посветеност, креативност и професионализам придонесувате за негување на театарската уметност која е длабоко вградена во историскиот континуитет на Велес како израз на авангардноста и креативниот потенцијал на градот во кој се роди македонската театарска уметност.

Ви посакувам многу успеси во работата и креативните проекти и уште многу моменти на споделување на театарската уметност со Вашата верна публика во Велес и Македонија

         Со почит,

                                                                                                                                                                Градоначалник
                                                                                                                                                             на Општина Велес
                                                                                                                                                                 Аце Коцевски