Општина Велес и Локалната установа Народен музеј  Велес се организатори на изложбата на дела создадени на 16-тата Меѓународна кичевска ликовна колонија.Велешката публика следниве десетина дена ќе може да ужива во прекрасните дела на 23 автора од пет земји. Домаќини на отворањето на изложбата беа раководителите на Сликарско-копаничарската колонија „Папрадишки мајстори“.

Директната комуникација, размената на искуства и долгогодишните културни врски се можност за уште поголема соработка на Велес и Кичево чиј најголем мост на поврзување е великанот на македонската литература – Кочо Рацин – рече во своето обраќање Ангел Коруновски, раководител на сликарскиот дел на велешката колонија.Изложбата за отворена ја прогласи г-динот Владимир Толески, раководител на Меѓународна кичевска ликовна колонија.