Македонското културно друштво од Љубљана, Република Словенија  во рамките на својата културна дејност  организира вечер посветена  на Кочо Рацин. Рациновата вечер  ќе се одржи на 13-ти октомври годинава, со почеток во 18 часот во Музејот во Љубљана. Во рамките на вечерта посветена на Рацин ќе говорат писателите Иво Фрбежар – Словенија и Васил Тоциновски - Македонија и ќе се читаат стихови од збирката „Бели Мугри“.

Присутните на настанот ќе имаат можност да го видат и филмот „Елегија за тебе“ проект на Васил Зафирчев и Данчо Стефков посветен на Рацин. Иницијатор на Рациновата вечер е велешанката Јелица Порента која живее и работи во Љубљана и со своите активности ја потврдува моќта на граѓаните да бидат вистински амбасадори на својот град и својата татковина.