Во    IHF   организација ќе се одржат квалификации за учество на европското женско кадетско ракометно првенство во Република Чешка. Квалификациониот  турнир ќе се одржи во Алканена во Република Португалија од 25-27.03 2011. Во организација на Ракометна федерација на Македонија ќе учествува и наша екипа во која  составен  дел се и нашите сограѓанки Елена Манчевска голман и Андреана Неделкова десно крило,  кои биле селектирани од четиресетина девојки од нивна возраст од сите клубови на Република Македонија.

Денес Градоначалникот Горан Петров ги прими Елена и Адреана  им го честиташе  досегашниот успех , им посака среќен пат , достојно да го престават градот и државата и да зачекорат по патеката која ќе ги одведе  во светот на  спортските победи. Крајна цел на Ракометната федерација е подготовка на оваа генерација кадети за престојното светско кадетско првенство  2012 год. и јуниорско светско првенство 2013 год. Република Македонија е еден од најсериозните кандидати  за домаќин на двете првенства.