Денес се одржа свеченост во Детската градинка  „Димче Мирчев“ клон 3, по повод 10 години од работата на Фондацијата „Чекор по чекор“. Плодната соработка на Фондацијата за образовни и културни иницијативи „Чекор по чекор“ и ЈОУДГ„Димче Мирчев“ започнува во1994 година кога само  во 10 градови во Република Македонија  се имплементира  оваа воспитно-образовна  методологија иницирана од Институт отворено Општество Њујорк и универзитетот George Town од Вашингтон.

Денес Велес има голема причина да се гордее,  велешката градинка е една од најдобрите во Република Македонија. Сите честитки за креативниот тим раководен од г-ѓа Тања Ѓорѓиева Лазаревски но и на нејзините претходници кои умееја да го препознаат квалитетот на програмата „Чекор по чекор“ и да го прифатат како предизвик за работа.
Градоначалникот Горан Петров упати благодарност од свое име, од името на Советот на Општина Велес и од името на родителите чии деца израснаа  во оваа градинка  до  Фондацијата и до нејзиниот извршен директор Сузана Киранџиска.

Времето покажа дека укажаната  довербата да го одберат Велес и овој клон на градинката и да реализираат во него нова програма  е оправдана. Уште многу може да се зборува за градинката, за нејзиниот неуморен тим, за инвентивноста, за посветеноста , за креативноста, за воведените новини, за радоста што му ја носи на овој град.