Пред самиот крај на учебната година и ССОУ „Коле Неделковски“ ги отвори вратите за да покаже што се постигнале учениците во претходната година, да им ги претстави на потенцијалните ученици од I-ва година кабинетите и условите за работа . На повеќе штандови во дворот на училиштето можеа да се видат конкретните достигнувања и наградите што ги освоиле учениците од разни струки и занимања, а свој штанд имаа и нивните гости – учениците од збратименото училиште од Новогард Полска.

Бидејќи во исто време најдобрите ученици од ССОУ „Коле Неделковски“ беа во посета на збратименото училиште во Полска со помош на воспоставен линк учениците од двете училишта комуницираа меѓу себе. Меѓусебни поздрави разменија и градоначалниците на збратимените градови Новогард и Велес.