Денес Градоначалникот  Горан Петров оствари средба со делегација од Сојуз на Стопански комори на Р.Македонија која ја предводеше Претседателот Златко Калеников. Средбата е дел од серијата средби кои ССК ги иницира со претставниците на МСП и неколку општини,  а е во насока на проактивен јавно – приватен дијалог. На состанокот присуствуваа и г-ѓа Виолета Ангелковска, Заменик извршен Директор на ССК, г-ѓа Розалија Василевска, и  г.Ѓорги Тренкоски надворешни консултанти  на ССК.  Мисија на ССК, како гласноговорник на МСП е да ги застапува систематизирано  интересите на своите членки пред институциите на ситемот.

Истовремено и  да работи на подобрување на јавно - приватниот дијалог, да ја зголемува конкурентноста на малите и средни претпријатија, да го унапреди македонското деловно опкружување  и да ја зголеми продажбата на производите  на своите членки на глобалниот пазар. Во контекст на тоа, беше разгледана актуелната законска регулатива, ингеренциите и можностите на општината како давател на услуги и поддржувач во развојот на малите и срдени претпријатија. Истовремено беа презентирани пропагандните  материјали на општината кои ја претставуваат како атрактивна туристичка и стопанска  дестинација и беа продискутирани идни можни проекти и соработки на локално ниво.