На 15 јули , во театарот на археолошкиот локалитет „Стоби“ ќе стартува 10-то јубилејно издание на Интернационалниот фестивал на античка драма „Стоби“.

Јубилејното издание на фестивалот ќе биде отворено со документарен филм посветен на „Стоби“  и со претставата „Лисистрата“ во изведба  на Народниот Театар од  Ужице, Република Србија. Во 15-те дена фестивалски живот со античките драми на сцената во Стоби ќе настапат и театри од Македонија,  Хрватска, Босна и Херцеговина и Турција.

За наградите на „Стоби“ 2011 ќе одлучува жири комисија во состав: Маруша Гејмаер Облак – актерка на „Младинско Гледалишче“ од Љубљана, Словенија и претседател на жирито, Бедија Беговска – актерка на Турскиот Театар од Скопје и член на жирито и Братислав Димитров – драмски писател и член на жирито.

Средства за реализација на фестивалот обезбедија  Општина Велес и Министерството за култура на Република Македонија. Годинава помеѓу главните партнери на фестивалот е  генералениот спонзор Винаријата „Стоби“. Голем број компании како спонзори и годинава ќе го поддржат фестивалот заедно со  бројни медиумски покровители.

Со цел да се овозможи фестивалот да расте со нови организациони форми во интерес на квалитетот,  Општина Велес ја препушти организацијата  на  фестивалот на ЗГ „Фестивал на античка драма“ во кое членуваат професионални актери, режисери и стручни технички лица од областа на театарот. Традиционално „Стоби“ ја има поддршката на НУЦК „Јордан Хаџи Константинов –Џинот“ иницијатор  за неговото основање. Интернационалниот фестивал на античка драма „Стоби“ годинава ќе одбележи и 2 децении од првата претстава на сцената во античкиот театар.

Новина од годинава е влезниот билет за претставите кој изнесува 50 денари со вклучен превоз. Организаторите обезбедија 7 автобуси кои поаѓаат пред стоковна куќа, во 20 часот. Љубителите на театарот билетите за претставите ќе можат да ги набават на касата во театарот „Јордан Хаџи Константинов – Џинот“ во периодот од 9 до 2 часот вклучително со деновите на викендот кога се игра претстава.

СТОБИ 2011 - ПРОГРАМА