Во организација на Мировниот Корпус на САД  во Македонија и американската компанија Darien book Plan Inc. општинското основно училиште „Св. Кирил и Методиј“  ја збогати училишната библиотека со книги на англиски јазик.  Пристигнатите книги од САД  во употреба ги предаде Сем Расел, волонтер на Мировниот Корпус кој работи во Општина Велес.  Учениците ќе имаат можност да користат нови методи за учење на англискиот јазик и ќе имаат пристап до книги на англиски јазик од областа на природните науки како и изданија за поттикнување на детската креативност во различни области.  Со интересот за книгите, наставниците и учениците ја изразија својата благодарност за  донацијата од САД.  Во меѓувреме во соработка со Сем Расел училиштето работи и на подготовка на проектни апликации во областа на подигање на свеста на учениците за заштита на животната средина.