Најуспешната екипа на организираниот општински натпревар во квиз на знаење од областа на противпожарната заштита во Велес, се пласираше за учество на републичкиот натпревар и се врати со награда. Учениците од општинското средно училиште Гимназија „Кочо Рацин“ на 14-ти декември учествуваа на 27-миот Републички квиз натпревар за противпожарна заштита во Кичево. Во силната конкуренција, во категоријата јуниори, велешките гимназијалци импресионираа во квизот на знаење и го освоија второто престижно место. Општинскиот противпожарен  сојуз е горд што екипата на општинското средно училиште Гимназија „Кочо Рацин“ имаше достојно претставување на републичко ниво и се врати со уште едно републичко признание.