Тимот за маркетинг при ССОУ „Коле Неделковски“, ги престави своите струки и образовни профили пред идните средношколци од основното училиште „Блаже Коневски“. Машинска, електротехничка, сообраќајна и угостителска се струките во кои се образуваат идните средношколци од градот и околните места. Паралелно со воспитно - образовниот процес во училиштето се одвиваат голем број на активности: научни екскурзии (Посета на ХЕЦ Богомила, БРАКО, Филтерна станица на Дервен, Посета на компресорска станица во ЛЕОВ, Посета на ПЛИМОНТ – монтажа на плински уреди кај моторни возила, Посета на тренинг центар на ЕВН во Македонски брод, Посета на РТВ куќа и други), посета на саемски манифестации ТЕХНОМА, АУТОЕКСПО, ИНФОКОМ, учество на државни натпревари на електромашински и сообраќајни училишни центри, учество на Државниот натпревар по сообраќајна и техничка култура, учество на регионалниот натпревар за Противпожарна заштита, учество на Меѓународниот натпревар во кулинарство, учество на смотри на млади истражувачи од Република Македонија и др.

Мотото под која се води овогодинешната кампања за упис е „ВРЕДИ ДА СЕ УЧИ“. Причини за избор на овој слоган се следните: продолжување на образованието на сите факултети во земјата, префрлање на Техничко - технолошкиот факултет во Хотелот „Вила Зора“ и упис на нови 335 студенти, отварање на сопствен бизнис за учениците кои ќе прекинат со натамошното образование – учество на училиштето во обуките и натпреварите за изработка на најдобар Бизнис План. Изработката на Бизнис План е предуслов и за добивање на парична помош од Агенцијата за вработување за отпочнување на бизнис, вработување кај Социјалните Партнери (Динамо-ХИТ, Брако, Леов, Жито Вардар, Хотел Романтик) по завршувањето на образованието, бесплатниот превоз за учениците кои доаѓаат од поддалечените места, бесплатните учебници, бесплатното интернатско сместување на учениците кои доаѓаат од другите градови како и неговата непосредната близина до училиштето.

Затоа идни средношколци нека ВАШИОТ ИЗБОР БИДЕ ССОУ „КОЛЕ НЕДЕЛКОВСКИ“ ЗАТОА ШТО ТАМУ НАВИСТИНА ВРЕДИ ДА СЕ УЧИ !