На ден 29.05.2012 година со почеток во 11:00 часот беше организирана и реализирана манифестацијата отворен ден на училиштето во ССОУ Коле Неделковски во Велес. На мноштво штандови, во весела и пријатна атмосфера беше претставена образовната програма на електротехничката, машинската, сообраќајната и туристичко угостителската струка. Сите кабинети и училници, нагледни средства беа презентирани транспарентно. Посебно место во настанот кој го обележа овој ден е и телемостот со збратименото училиште во Новогард, Р.Полска. Училиштето Станислав Сташица и оваа година ја прими групата од 15 најдобри ученици од нашето училиште во придружба на професорите Сашко Ѓоргов и Верица Анѓушева Ѓоргова. Размената се спроведува како дел на годишната програма на училиштето.