Во организација на Општина Велес, на 29 август годинава, во просториите на општината се одржа едукативна средба посветена на квалитетот во образованието.  На едукативната средба на која присуствуваа директори, наставници и вработени во стручните служби во основните и средните училишта, Божидар Јовиќ, советник инспектор за образование ги презентираше стандардите за квалитет во наставниот процес. Конкретни теми  разгледани на работилницата беа:

• „Индикатори за квалитет на училиштето“ и
• „Индикатори за квалитет во училницата“.

Целта на едукативната средба е во пресрет на новата учебна година да се зајакнат капацитетите на вработените во училиштата и да се зголеми нивната лична одговорност како стручни лица за квалитетно и ефективно реализирање на наставните планови и програми. Воедно, работилницата беше фокусирана на подобрување на мотивацијата кај наставниците и учениците и зголемување на интерактивниот пристап во наставниот процес. Средбата беше дел од планираната Програма за стручно педагошко усовршување на образовниот кадар. Според планираното, темата на следната едукативна средба ќе биде „Климата и културата во образовните установи“.