Денес се навршуваат  71 година од смртта на Коле Неделковски и 68 години од формирањето на Осмата велешка НОУ бригада. Во организација на Општина Велес, Општина Чашка, Општинската организација на Сојузот на борците од НОАВМ и ССОУ „Коле Неделковски“ беше обележана годишнината од херојската смрт на борецот и поетот Коле Неделковски.  Оваа година се навршуваат и 100 години од неговото раѓање. Бројни делегации и претставници на Општина Велес ја посетија спомен- собата и оддадоа почит и пред бистата на народниот херој во неговото родно село Војница, а ученици од ССОУ „Коле Неделковски“ рецитираа стихови од поетот.

Пред спомен - обележјето на Осмата велешка НОУ бригада во село Отиштино присутните делегации им оддадоа почит на паднатите борци од НОАВМ. Во знак на овој светол датум беа евоцирани спомени од претставници на Сојузот на борците, а учениците од ООУ „Тодор Јанев“ Чашка изведоа пригоден рецитал.

Градоначалникот на Општина Велес, Горан Петров, положи цветни венци во училишниот двор на патронот Неделковски и пред спомен - обележјето на Осмата велешка НОУ бригада во село Отиштино.