Две години ССОУ „Коле Неделковски“ е збратимено со сродно училиште од полскиот град Новогард. Оваа соработка со учениците од збратимениот град на Општина Велес е пример за начинот на кој преку размена на искуства од образовниот процес се градат трајни пријателства меѓу учениците. 18 ученика од Новогард оваа недела претстојуваат во Велес. Домаќините им ги покажаа убавините на родниот Велес, но и Крушево и Скопје. Вчера младите полски „амбасадори“ ја посетија и Општина Велес. Задоволството што го искажаа наставниците и учениците од Полска и ССОУ „Коле Неделковски“ беше доказ дека оваа соработка ќе трае и ќе се негува со секоја нова генерација ученици.