Во рамките на обележувањето на Светската недела на детето и зачленувањето на првачињата во Светската детска организација, на првачињата од Општина Велес им ја упатувам следната честитка:
Драги првачиња,
Нека Ви е чистито стапнувањето во најголемата армија на светот – Светската детска организација. Од денес таа е побогата со Вашите насмевки, посилна од Вашите желби, помудра со Вашите петки. Заедно со децата од сите континенти Вие сте најубавото виножито на нашето небо. Советот на Општина Велес и јас Вашиот Градоначалник, ќе направиме се што е во наша моќ да ги заштитиме правата на децата, да Ви овозможиме да ги развивате своите таленти, вештини и способности. Оваа година за мото на Светската недела УНИЦЕФ го одбра слоганот „За поубав детски свет“. Ова мото е обврска што Општина Велес ја почитува и ја исполнува.
Со почит,

Градоначалник
на Општина Велес,
Горан Петров