Градоначалникот Петров во чест на постигнатиот успех и за спомен на настапот на Олимпијадата во Лондон му врачи признание на велешкиот олимпиец Кристијан Ефремов. Стаклениот грб со симбол на градот е подарок за настапот на трката на 400 метри кога Кристијан го подобри своето најдобро време и истрча за  47,92 секунди  со што  го подобри  својот резултат за 34 стотинки и се пласираше на 44-то место од 50 натпреварувачи.

Општинското призание градоначалникот,  му го врачи на Ефремов во неделата на градскиот стадион на полувремето од фудбалскиот натпревар од третата лига Југ каде  Борец со  4:0 ја победи незначајната прилепска екипа „Млекар“.