Денес, Економскиот совет на Градоначалникот Горан Петров на проширена седница со претставници од Агенцијата за вработување, Управата за јавни приходи, Регионалниот завод за статистика, средните сручни училишта и други претставници од јавниот сектор, ја донесе Нацрт-стратегијата за вработување на Општина Велес за периодот 2013-2017 година.

Овој стратешки документ се очекува пред Советот на Општина Велес да биде поставен на првата наредна седница, а пред граѓаните на јавна расправа што ќе се одржи во почетокот на следната година.
Економскиот совет на Градоначалникот расправаше уште за две многу значајни прашања – отпочнувањето со работа на Регионалниот бизнис центар и прибирањето податоци за деловните субјекти од Велес и регионот со кои ќе располага Регионалниот бизнис центар во промоцијата и развојот на стопанството.