Градоначалникот на Општина Велес, Горан Петров согласно Законот за волонтерство донесе Програма за волонтирање за 2013 година. Поаѓајки од стратегиските цели за остварување на Политиката за квалитет и обезбедување квалитетни, ефикасни и ефективни услуги за граѓаните, успешна реализација на стратегиските документи, Општина Велес ќе ангажира волонтери по области во надлежност на единицата на локалната самоуправа.

Преку организационите единици: Сектор за правни и општи работи, јавни дејности и јавни набавки и Секторот за урбанизам, заштита на животната средина, комунални дејности, сообраќај, патишта, локален економски развој и информатичка технологија, општината ќе ангажира волонтери со завршен VII/1 степен, или најмалку 180 кредити според ЕКТС-Општествени и технички науки и со VII/1 степен, или најмалку 240 кредити според ЕКТС-Општествени и технички науки.