Во Општина Велес продолжуваат градежните работи. Користејќи ги максимално убавите пролетни денови  започнаа подготвителните активности за  асфалтирање неколку улици во градот. Се работи на улиците „Мирка Гинова“,„Сутјеска“,„Крсте Мисирков “  и улицата  во Градскиот парк  од ЈКП „Дервен“ до Спортската сала „Гемиџии“. Во исто време , се подготвува асфалтирањето на спортското  игралиште „Гемиџии 2“.  Денес почнаа  и подготвителните активности за  бетонирање на улиците „Александар Несторов“ во Велес и ул. „Трајче Петкановски “во населба Превалец. Доколку дозволат временските услови се планира овие зафати да завршат во најскоро време.