Градоначалникот на општина Велес, Славчо Чадиев во својот кабинет ги пречека гостите од делегацијата на романскиот збратимен град Слобозија. Посетата на гостите од Слобозија е поврзана со манифестацијата Велигденско јајце, која оваа година има и меѓународен карактер. Градоначалникот Чадиев истакна дека Општините Слобозија и Велес изминатите неколку години имаат интензивна и плодна соработка а преку оваа посета со заменик - градоначалникот, Валентин Макано утврдено е и што во иднина ќе се работи заедно. Гостите од Романија, претставени преку заменик - градоначалникот истакнаа дека за нив ова е важна посета и дека им претставува чест што се во Велес не само поради учеството на манифестацијата поради празникот Велигден туку и поради остварената средба со новиот градоначалник со што се потврдија цврстите односи помеѓу двете општини.