Денес во посета на Градоначалникот Славчо Чадиев беше делегација од ОО на Црвениот крст од Велес предводена од д-р Милчо Трајков, претседател на Црвениот крст на Македонија. На средбата беше разгледан Меморандумот за соработка потпишан од Општина Велес и ОО на Црвен крст и остварен договор за понатамошна реализација на веќе започнатите заеднички проекти:

 Грижа за стари лица во домашни услови, Стратегијата за борба против туберкулозата, Програмата за превентива од наркотични сретства и психотропни супстанци, како и тековната поддршка на активности по веќе утврдени светски датуми како што се Денот за борба против сиромаштијата, неделата на стари лица, учеството на хуманитарни акции и заедничката крводарителска акција по повод 9-ти Ноември, Денот на Општина Велес. На средбата беше констатирано обострано задоволство од досегашната соработка како и отворените можности за нови заеднички проекти на Општината и Црвениот крст.