На веќе добро познатата локација кај хотелот Романтик, езерото Младост крај Велес, во Сабота (11.05.2013) ќе се одржи четвртата по ред „Moto beach party“, во орагнизација на мото клубот „CROSS BEARERS“ а со поддршка на Општина Велес.

Според програмата, собирот на моторџиите ќе започне во 14.00 часот, за во 18.00 часот е планирано традиционалното дефиле низ Велес а забавата ќе започне во 20.00 часот на Езерото Младост. Оваа година на забавата ќе учествуват легендарни имиња од македонската музичка сцена, како што се Драган Б. Костич, Леб и Сол и Давид Нешкоски Трио. Тие ќе му дадат посебен белег на настанот кој изминатите години важи за најпосетуван домашен мото собир.

Четвртата мото бич забава и овој пат има хуманитарен карактер. Сите мотористи кои ќе учествуват на дефилето ќе донираат средства, кои потоа ќе бидат доделени на поединец или семејство на кому му се потребни.