Градоначалникот на Општина Велес, Славчо Чадиев денеска (10.05.2013, петок) изврши увид во градежните работи кои се изведуваат на повеќе локации во градот. На улиците „Крсте Мисирков”, „Мирка Гинова”, „Сутјеска” и улицата пред ЈКП Дервен изминативе денови се отстранува асфалтната површина по што ќе се премине со поставување на нов асфалт. Денес беше завршено и бетонирањето на дел од улицата Вера Циривири во населбата Поток.

Исто така неодамна беше реконструирано и повторно асфалтирано спортското игралиште кое се наоѓа во близина на автобуската станица. Истото ќе биде и опремено со соодветна опрема за изведување на спортските активности. Градежните работи во Општина Велес и во следниот период ќе продолжат да се одвиваат со ист интензитет.