КУД „Коле Неделковски” како единствен претставник од Македонија имаше успешен настап на Меѓународниот фестивал на фолклорот „Цвеќињата на Бараган“ во Слобозија, Република Романија. По тој повод, градоначалникот на Општина Велес, Славчо Чадиев денес (20.06.2013) приреди прием за играорците, со што ја продолжи праксата да се удостојат сите поединци и колективи кои ја афирмираат општината. Градоначалникот Чадиев на младите играорци од КУД „Коле Неделковски" им порача и во иднина земјата да ја претставуваат со традиционалниот фолклор како и тоа дека посветеноста на Општината кон културата е голема и сите оние што можат да придонесат во врска со тоа ќе бидат помогнати. Домаќините на фестивалот од Република Романија награда испратиле и за Градоначалникот на Велес. Денеска на градоначалникот Чадиев истата му ја врачи раководството на КУД „Коле Неделковски”.