Вчеравечер на Афмитеатарот во Младинскиот парк се одржа целовечерен концерт на групата „Синтезис” како дел проектот „Топол културен бран” во организација на Општина Велес и Министерството за култура.Велешани имаа можност неповторливо да уживаат во звуците на богатиот македонски фолклор.

Традиционалните звуци со современи аранжмански решенија прозвучија низ македонските традиционални инструменти – кавал, гајда, зурла, тапан, тарабука, тамбура, а уникатната звучна слика, покрај современите клавијатурни инструменти, ја надополнија и трите ангелски гласови во духот на женското групно пеење од старата македонска селска традиција.