По повод големиот празник Рамазан Бајрам, Градоначалникот на Општина Велес денес (09.08.2013 година) организираше традиционален прием за претставниците на Исламската верска заедница, членови на Советот на општина Велес и претставници на здруженија на граѓани. На приемот на кој присуствуваа Муфтијата Адем Чоревски и Имамот Нијази Мустафов, Градоначалникот Чадиев им го честиташе Рамазан Бајрам на сите граѓани од исламската вероисповед и им посака здравје и среќа во животот.

„Почестен сум што сте денес мои гости заеднички да го обележиме големиот празник, да си посакаме и понатаму успешна соработка и заеднички да ги решаваме сите проблеми што ги носи животот”. – истакна градоначалникот Славчо Чадиев.
Присутните на приемот оценија дека заедничкото чествување на големите празници од страна на граѓаните од различни заедници придонесува за развојот на локалната демократија.