Општина Велес, Општинската организација на Сојузот на борците од НОАВМ Велес и ССОУ „Коле Неделковски” денес (02.09.2013) одбележаа 72 години од смртта на Коле Неделковски, еден од најистакнатите македонски поети. Одбележувањето започна со положување цвеќе и оддавање почит пред бистата на Коле Неделковски во средното стручно училиште кое го носи неговото име, а потоа и во Спомен домот на поетот во с. Војница. Во знак на сеќавање на 69 годишнината од формирањето на Осмата велешка НОУ Бригада, почит беше оддадена и на спомен обележјето во с. Отиштино. И на двете локации, ученици од ССОУ „Коле Неделковски” чиј патрон се одбележува денес, настапија со пригодна програма.