Оваа година ООУ „Васил Главинов“ се приклучи во реализација на проектот „Македонија без отпад 2013“  кој се имплементира од страна на Министерството за животна средина и Асоцијацијата на граѓански организации „Ајде Македонија“ со поддршка од страна на Министерството за образование и наука. За таа цел на ден 4.10.2013г. (петок) во училиштето се изведоа низа акции во кои зедоа активно учество учениците, наставниците и техничкиот персонал.  Се изведоа акции за собирање на отпад, селекција и рециклирање на отпадот, копање на компостер во дворот на училиштето, чистење на училниците како и работилници во кои се твореше на тема „Екологија“. Очекувањата се дека преку овааа акција ќе се поттикне и свеста за здрава и чиста околина на живеење како на учениците така и на сите останати. Акцијата продолжи и во соседните згради. Голема благодарност за сите учесници во еко- проектот кои со својот активизам придонесоа успешно да се реализираат поставените цели.